VESTMANNAEYJAR

Haf-Afl ehf hefur hug á að setja upp og reka nýja tækni ölduvirkjana við Vestmannaeyjar.

Hafið í kringum Ísland er eitt orkumesta hafsvæði í heimi og fá strandsvæði hafa jafn orkumikla öldu og suðurströnd Íslands. Þar sem meðalafl öldu á opnu hafi fyrir sunnan Ísland er um og yfir 60 kW/m (kW á lengdarmetra), en um 30 kW/m utan Norðurlands. Gefin hafa verið út heimskort sem sýna meðalstyrk öldu.

Ölduorka hefur nokkra kosti, þar á meðal viðbótarframleiðslugetu í samfloti með öðrum orkugjöfum í formi fjölnýtingu sjávar. Eins og fyrr segir býður ölduorka upp á stöðugra og fyrirsjáanlegra orkuframboð en sólar- og vindorka, sem gerir hana að aðlaðandi viðbót við endurnýjanlega orkusafnið. Með miklum svæðisþéttleika getur ölduorka verið samhliða öðrum fljótandi orkuverum á hafi úti, þar sem hægt er að beita virkjunargörðum í lausu rými á milli t.d. fljótandi vindmylla. Til að ná sem bestum árangri er mælt með því að einbeita virkjunarfylkingunum á tiltekið verkefnissvæði eins nálægt ströndinni og mögulegt er. Þessi nálgun þjónar þeim tilgangi að lágmarka kostnað sem tengist neðansjávar köplum milli fylkinga og til tengiinnviða ásamt heildarvegalengd til og frá virkjanasvæði fyrir rekstrar- og viðhalds starfsemi (O&M).

Ölduorkuvirkjanir eru nú í örri þróun um allan heim og árangursríkar tilraunir sýna möguleika þessa hreina og ríkulega orkugjafa. Eftir því sem sóknin í endurnýjanlega orku á heimsvísu eykst er ölduorka í stakk búin til að gegna sífellt mikilvægara hlutverki við umskipti yfir í sjálfbært, kolefnislítið orkukerfi. Með áframhaldandi nýsköpun og samvinnu milli iðnaðar, háskóla og stjórnvalda lítur framtíð ölduorku björt út og lofar hreinni og sjálfbærri orkuframtíð.

GRUNNMAT

Alhliða grunnmat sem skilar hagnýtri innsýn í orkuþörf, --ölduorkuþörf, þróunar virðiskeðju og öflugt viðskiptamódel, ásamt ítarlegu mati á staðbundinni iðnvæðingarmöguleika og tengslasköpun.

Framkvæmdarstigi lokið Q2 - 2024

FORRANNSÓKN

Hagkvæmniathugun, öflun gagna og leyfa um staðbundna ölduorku og virkjun viðskiptamódels.

Áætlun 6 – 12 mánuðir Q2 - 2025

FORVERKEFNI

Ítarleg hönnun virkjanasvæða, auk þess að tryggja nauðsynleg leyfi, útvega birgja og hefja byggingaráfanga tilraunauppsetningar.

Áætlun 6 – 12 mánuðir Q1 - 2026

FRAMKVÆMD

Koma upp tilraunavirkjun sem framleiðir 0,5 – 1 MW. Tengja tilraunavirkjun við net og auka raforkuframleiðslu allt að 5MW með því að innleiða fleiri virkjanaeiningar.

Áætlun18 – 24 mánuðir Q2 - 2028

STÆKKUN OG FRAMLEIÐSLA

Fjölga ölduorkuverum til að fullnægja orkuþörfinni, byggt á staðbundnum iðnaði og verðmætasköpun í gegnum alla virðiskeðjuna eins og hægt er.

Áætlun 24-60 mánuðir Q1 - 2030

TÆKNIN

Ölduorkubreytir Havkraft (H-WEC), sem er nýjung á sviði Oscillating Water Column (OWC) tækni, er spennandi tækifæri fyrir sjálfbærar lausnir á Íslandi. Vottunarfyrirtækið DNV (Det Norske Veritas) er langt komið með vottun tækninnar, og stórfyrirtæki á borð við Equinor hafa þegar hafið þróun tækninnar til framleiðslu rafmagns við sína innviði í Norðursjónum.

Þessi tækni sker sig úr sem sjálfbær og endurnýtanlegur staðbundinn orkugjafi, sem einkennist af stuttum fluttningsleiðum, miklum afköstum, langlífi, lágmarks umhverfisspori (lágmarks sjónmengun, engin hljóðmengun, minnst möguleg svæðis þörf, og engin óendurkræf náttúruspjöll), litlu viðhaldi, verndun dýralífs, lágu flækjustigi og sveigjanleika. Möguleikinn á að hanna virkjanir með 50-100 ára líftíma setur nýjan staðal fyrir framleiðslu raforku.

Tæknin er raunhæfur og öflugur valkostur til að leysa af hólmi orkugjafa sem byggja á jarðeldsneyti og auka fjölbreytni og framboð orkuöflunar. Með þessu markar tæknin mikilvægt skref í átt að umhverfisvænni og aukinni orkunýtingu.

MS Havkraft er 250kW tilraunauppsetning tækninar staðsett fyrir utan Stadt í Noregi síðan 2014. Stadt er sá staður Noregs með verstu veðurskilyrði sem fyrirfinnast í Noregi. Og hefur MS Havkraft staðið af sér storma og fellibyli með sóma og án nokkura skemmda á búnaði eða umhverfi.